തെന്നിന്ത്യയില്‍ നിന്നും ബോളിവുഡില്‍ ചേക്കേറിയ മലയാളിസുന്ദരി അസിന് അവിടെ തന്റെ ആധിപത്യം ഉറപ്പിക്കുന്നതിന്റെ ലക്ഷണങ്ങളാണു കാണുന്നത്‌. ഷാരൂഖ്‌ ഖാന്റെ നായികയായി അഭിനയിക്കണമെന്നു പരസ്യമായി പറഞ്ഞ അസിന്റെ ആ ആഗ്രഹവും ഉടന്‍ തന്നെ സഫലമാകും എന്നാണു റിപ്പോര്‍ട്ടുകള്‍.
ഗജിനി എന്ന ഒറ്റചിത്രം കൊണ്ടു തന്നെ അസിന് ബോളിവുഡില്‍ താരപദവി ഉറപ്പിച്ച മട്ടാണ്‌. ബോളിവുഡില്‍ വന്‍ കളക്‌ഷന്‍ നേടിയ ചിത്രങ്ങളുടെ പട്ടികയില്‍ ഗജിനി ഇതിനകം തന്നെ സ്ഥാനം പിടിച്ചു
കഴിഞ്ഞു. അമീറിന്റെ നായികയായി ബോളിവുഡില്‍
ചേക്കേറിയ അസിന് ആ ചിത്രം പുറത്തിറങ്ങും മുമ്പു തന്നെ സല്‍മാന്‍ ഖാനും അജയ്‌ ദേവ്‌ഗണും നായകന്മാരാകുന്ന ചിത്രത്തില്‍ അഭിനയിച്ചു തുടങ്ങി. ലണ്ടന്‍ ഡ്രീംസ്‌ എന്ന ഈ സിനിമയുടെ ചിത്രീകരണം ഇപ്പോഴും പുരോഗമിക്കുകയാണ്‌. ഗജിനി എന്ന ചിത്രം റിലീസാകുന്നതിനു മുമ്പു തന്നെ അസിന് തന്റെ `ചെറിയൊരാഗ്രഹം' വെളിപ്പെടുത്തിയിരുന്നു. സാക്ഷാല്‍ ഷാരൂഖ്‌ ഖാന്റെ നായികയായി അഭിനയിക്ക ണം എന്നായിരുന്നു ആ ആഗ്രഹം. അതിനുളള അവസരവും അസിനിപ്പോള്‍ വന്നു ചേര്‍ന്നതായാണു റിപ്പോര്‍ട്ടുകള്‍. യാഷ്‌ രാജ്‌ ഫിലിംസാണു ഷാരൂഖിനേയും അസിനേയും
നായികാ നായകന്മാരാക്കി ചിത്രമെടുക്കാന്‍ ആലോചിക്കുന്നത്‌. ഇതോടെ മുമ്പ്‌ അസിന് പരസ്യമായി പറഞ്ഞ ആഗ്രഹമാണു സാക്ഷാത്‌ക്കരിക്കാന്‍ പോകുന്നത്‌. ഇത്‌ അസിന്റെ ബോളിവുഡ്‌ കരിയറില്‍ ശക്തമായ വഴിത്തിരിവാകു മെന്നാണു കരുതുന്നത്‌.
ഇതോടൊപ്പം ബോളിവുഡിലെ മറ്റൊരു താരരാജാവായ സാക്ഷാല്‍ അക്ഷയ്‌ കുമാറിനെ നായകനാക്കി നിഖില്‍ അദ്വാനി ഒരുക്കുന്ന പട്യാല ഡ്രീംസ്‌ എന്ന ചിത്രത്തിലും അസിന് തന്നെയാകും അക്ഷയ്‌ ഖാന്റെ നായിക എന്നാണു കേള്‍ക്കുന്നത്‌. അസിനെ നായികയാ ക്കാനാണു നിഖില്‍ അദ്വാനി ശ്രമിക്കുന്നത്‌. ഇങ്ങനെ പോയാല്‍ അധികം വൈകാതെ തന്നെ ബോളി വുഡിലെ മറ്റു താരസുന്ദരിമാരെയെല്ലാം പിന്നിലാക്കി അസിന് താരസിംഹാസനം ഉറപ്പിക്കും എന്നാണു
വിലയിരുത്തപ്പെടുന്നത്‌.
അതേ സമയം അസിന്റെ വളര്‍ച്ചയെ തടയാന്‍ ചില സുന്ദരിമാര്‍ കച്ചകെട്ടി ഇറങ്ങിയിട്ടുണ്ടെന്നും റിപ്പോര്‍ട്ടുകളുണ്ട്‌. ഇതില്‍ റാണി മുഖര്‍ജി അസിനെതിരേ നടത്തിയ നീക്കങ്ങള്‍ കഴിഞ്ഞ ദിവസം
വാര്‍ത്തയായിരുന്നു.
യാഷ്‌ രാജ്‌ ഫിലിംസിന്റെ സ്വന്തം ചിത്രമായ
രബ്‌നെ ബനാ ദി ജോദിയില്‍ കിംഗ്‌ ഖാന്റെ നായികാ പദവി അസിനില്‍ നിന്നും റാണി
തട്ടിത്തെറിപ്പിച്ചെന്ന വാര്‍ത്തയാണ്‌ ഏതാനും ദിവസം മുമ്പു പുറത്തു വന്നത്‌. ആദിത്യ ചോപ്രയുമായുള്ള അടുപ്പം
ഉപയോഗിച്ചാണത്രേ
റാണി ചിത്രത്തില്‍ നിന്നും അസിനെ മാറ്റിയത്‌. എന്നാല്‍ ഇപ്പോള്‍ കേള്‍ക്കുന്നതു റണിയുടെ പ്രയോഗങ്ങള്‍ ഒന്നും തന്നെ അസിന് ഏറ്റില്ലെന്നാണ്‌. ഷാരുഖിന്റെ നായികയായി ചിത്രത്തില്‍ അസിന് തന്നെ അഭിനയിക്കും എന്നാണ്‌ ഇപ്പോള്‍ കേള്‍ക്കുന്നത്‌.
4 weeks ago
